Çfarë bën kompania juaj dhe si nisi ideja për ketë biznes?

Kërkesa për produkte cilësore dhe qasje e lehtë në blerje për klientët ka qenë dhe mbetet sfidë për kompanitë kosovare. Prandaj, ne si kompani vendore jemi duke u zhvilluar prej shumë vitesh, si në zhvillimin e stafit ashtu edhe në zgjerimin e aktiviteteve, prandaj përveç kësaj për të krijuar një akses më të lehtë për klientët tanë në nivel lokal na është dashur të zhvillojmë një formë më të lehtë për klientët për të blerë produktet tona.

Kur bëhet fjalë për kërkesat e klientëve, ELNOR e mbështet strategjinë e tij për të njohur dhe kuptuar diversitetin e konsumatorëve dhe për t’u ofruar atyre produkte dhe shërbime që i përshtaten kërkesave të tyre. Prandaj, integrimi i drejtpërdrejtë i tregtisë elektronike vazhdon të ketë një ndikim të drejtpërdrejtë në ruajtjen e një rritjeje solide dhe përmirësim të mëtejshëm.

Meqenëse e-commerce është një treg me rritje të shpejtë dhe duke pasur parasysh që çdo biznes po investon në mënyrën më të lehtë që klientët të blejnë. Platforma e shitjeve online është bërë një pjesë e rëndësishme e çdo industrie, përfshirë industrinë e drurit. Prandaj, ne e pamë si një mundësi të madhe për të avancuar këtë pjesë e cila është shumë tërheqëse për sektorin tonë për produkte si karriget dhe tavolinat. Vitet e fundit në industrinë e mobiljeve trendet po ndryshojnë shumë, por vazhdon të ndryshojë edhe mënyra se si tregtohen mobiljet tek klientët. Prandaj, zhvillimi i platformës së tregtisë elektronike ndihmon ELNOR-in të rrisë tregun operativ, duke ofruar një përvojë më të lehtë blerjeje për klientët tanë, duke kursyer kohë për klientët dhe gjithashtu duke zgjeruar gamën tonë të produkteve.

Cilat ishin sfidat më të mëdha dhe si i keni zgjidhur/kapërcyer ato?

Gjatë implementimit të platformës, ne vërtet u përballëm me sfida dhe problem me disa porosi, për sa i përket ngjyrave të drurit dhe pëlhurave dhe ndonjëherë edhe kohës së dorëzimit, megjithatë bëmë të pamundurën për të menaxhuar ato situata që në fund klienti të mbetet i kënaqur me shërbimin. dhe produktet tona. Kemi marrë vlerësime të ndryshme nga klientët për shërbimin dhe produktin, prandaj suksesi i këtij investimi ka qenë përtej pritshmërive tona.

Dëshira jonë ishte t’u ofronim klientëve tanë një mënyrë më të përshtatshme për të bërë blerje duke kursyer kohën e tyre dhe gjithashtu duke u ofruar atyre një përvojë më të lehtë të blerjeve 24/7 së bashku me shërbimin e klientit online.

Çfarë strategjie përdorni për t’u njohur në treg si një histori suksesi në e-commerce? Cili është fokusi juaj kryesor?

Duke qenë se jemi prodhues mobiljesh, i kushtojmë një vëmendje të konsiderueshme dizajnit dhe tendencave të produkteve. Nëpërmjet departamentit tonë të dizajnit përpara se të lançojmë një produkt, ne analizojmë çdo detaj në mënyrë që produktet tona të kenë stil dhe funksionalitet. Ne marrim parasysh edhe preferencat e blerësve tanë dhe i kushtojmë shumë vëmendje strategjisë së marketingut (krijimi i pamjeve të bukura të dizajnit, promovimi në internet, marketingu në mediat sociale, rishikimet e produkteve etj.)

Cili ka qenë impakti juaj në tregun e e-commerce? Për çfarë jeni më krenarë?

Nëpërmjet përdorimit dhe zbatimit të e-commerce në kompaninë tonë ne përfituam nga:

• Rritja e tregut operativ – pasi shumica e klientëve tanë vendas janë nga e njëjta zonë ose afër fabrikës sonë. Tani kemi mundësinë të zgjerojmë një audiencë më të madhe dhe jo domosdoshmërisht klientët tanë mund të na kontaktojnë vetëm duke vizituar showroom-in tonë, por edhe duke na gjetur 24/7 online.
• Ofrimi i një eksperience më të lehtë të blerjeve – platforma jonë e shitjeve në internet do t’i lejojë klientët tanë të kenë akses më të lehtë për të marrë produktin që dëshirojnë me të gjithë informacionin e nevojshëm të produktit të shërbyer në internet.
• Zgjerimi i gamës sonë të prodhimit – kjo platformë do të na mundësojë të lançojmë produkte të reja bazuar në dëshirat e klientëve pa pasur nevojë të zgjerojmë hapësirën tonë të ekspozitës ose të ndryshojmë vendndodhjen tonë. Ne do të ofrojmë produkte të shkëlqyera 24/7 së bashku me shërbimin online ndaj klientit.
• Duke kursyer kohë për klientët tanë – platforma jonë e shitjeve në internet do t’i lejojë klientët të kenë akses më të lehtë për të marrë produktin që dëshirojnë. Pra, është shumë më e lehtë për të blerë, sepse më e rëndësishmja kursen kohë dhe ata mund të bëjnë pazare të rehatshme pranë zyrave dhe shtëpive të tyre.

A mund të na flisni për ekipin që qëndron pas kësaj historie suksesi? Cilat janë vlerat e tyre dhe cfarë i mban të motivuar?

Prezantimi i kësaj platforme si pjesë e shitjeve ka një ndikim të suksesshëm të drejtpërdrejtë në planifikimin brenda kompanisë, pasi ne zhvillojmë një departament të posaçëm i cili do të merret me menaxhimin, kontrollin dhe monitorimin e procesit të tregtisë elektronike deri në momentin që produkti arrin te klienti. . Ky ekip i tregtisë elektronike përbëhet nga 3 të rinj të kualifikuar me mundësi zgjerimi në një të ardhme të afërt. Duke qenë se kjo platformë është një përvojë mjaft tërheqëse për kompaninë tonë, ne po planifikojmë të bëjmë një investim të ri duke i skaduar këtij departamenti dhe duke filluar shitjet online edhe në tregjet evropiane, duke gjetur partnerë të rinj biznesi dhe duke rritur eksportet përmes porosive online.